Абжапар кызы Фарида "Кыргызстанда адам укуктарын коргоо тармагында санариптик чечимдер" хакатонуна катышып ийгиликтүү кайтты!

2024-11-15 11:57:26 37

1-3-ноябрь күндөрү ТМИ бөлүмүнүн программалык инженерия багытынын окутуучусу Абжапар кызы Фарида "Кыргызстанда адам укуктарын коргоо тармагында санариптик чечимдер" хакатонуна катышып ийгиликтүү кайтты! Алардын "Без барьеров" (мүмкунчүлүгү чектелгендер үчүн карта) командасы биринчилерден болуп өттү. Эми долбоордун алкагында 8000 евро өлчөмүндө финансылык колдоо ала алышат. Үч күн бою IT, дизайн жана укук коргоо тармактарындагы 50дөн ашуун катышуучу өлкөбүздөгү укуктук реформаларды мониторинг кылуу жана адам укуктарын коргоо үчүн инновациялык долбоорлорду иштеп чыгышты. Тажрыйбалуу менторлор жана эксперттердин жетекчилиги астында катышуучулар идеядан баштап даяр прототипке чейин жолду басып өтүштү.Бул командалардын ар бири адам укуктарын коргоо боюнча санариптик чечимдерди иштеп чыгууга өзгөчө салым кошушту, жана эми алардын идеяларын ишке ашыруу үчүн керектүү ресурстар бар. Хакатон долбоордун алкагында уюштурулду Европа Биримдиги каржылаган “Адилеттүүлүккө мониторинг – Кыргызстанда адам укуктарын илгерилетүү боюнча жарандык коомду чыңдоо” долбоору тарабынан уюштурулган. Долбоор Конрад Аденауэр атындагы фонд жетектеген жана Макс Планктын эл аралык тынчтык жана укук үстөмдүгү үчүн фонду, “БИОМ” экологиялык кыймылы жана «Алга» аялдар ассоциациясы менен кызматташтыкта ишке ашырылууда.