Өзбекстандын ЖОЖдорунун окутуучуларына конок лекция өтүлдү

2025-01-16 12:06:20 42

2025-жылдын 15-январында Фергана мамлекеттик университетинин алдындагы педагогикалык кадрларды кайра даярдоо жана алардын квалификациясын жогорулатуу боюнча аймактык борбордо "Математика" багыты боюнча квалификацияны жогорулатуу курсунун алкагында онлайн-семинар уюштурулду. Семинарга Кыргызстандагы Ош мамлекеттик университетинин Эл аралык билим берүү программалары жогорку мектебинин окуу жана илимий иштер боюнча директорунун орун басары, физика-математика илимдеринин кандидаты, доцент Максатбек Орозов конок катары чакырылып, “Өзгөрмө чоңдуктардын айырмачылыктарынын катышы жана анын мааниси” деген темада лекция окуду. Лекцияда өзгөрмө чоңдуктардын ортосундагы байланышты түшүнүүнүн математикалык негиздери боюнча маалыматтар айтылып, катышуучуларга практикалык кеңештер берилди. Семинардын соңунда катышуучулар өздөрүнүн суроолоруна жооп алышып, талкуу жүргүзүштү.