Күндүзгү окуу бөлүмүнүн студенттери менен жолугушуу

2025-03-04 04:49:34 41

ОшМУнун ЭАББПЖМнин директору профессор Д.А. Турсунов менен 24-28- февралга чейин график түзүлүп студенттердин ортосунда коррупциянын алдын алуу жана билим берүү чөйрөсүндөгү адилеттүүлүктү камсыз кылуу боюнча жолугушуу болуп өттү. Иш-чаранын негизги максаты - студенттердин ой-пикирин угуу, аларды коррупцияга каршы күрөшүүгө үндөө жана окуу жайдын ачык-айкын иштешин камсыздоо болду. Жолугушууда директор коррупциянын коомго жана билим берүү системасына тийгизген терс таасирлерин баса белгилеп, анын алдын алуу үчүн кандай чаралар көрүлүп жатканын түшүндүрдү. Ошондой эле, студенттердин укуктары жана милдеттери, адилеттүү билим алууга болгон укугу тууралуу кеңири маалымат берди. Студенттер да өз ойлору менен бөлүшүп, окуу процессиндеги мүмкүн болгон коррупциялык көрүнүштөр жөнүндө суроолорду беришти. Алар билим сапатын жогорулатуу жана акыйкаттыкты камсыз кылуу үчүн окуу жайдын жетекчилиги менен тыгыз иш алып барууга даяр экендиктерин билдиришти. Жолугушуунун жыйынтыгында студенттер менен администрациянын ортосунда тыгыз байланыш түзүү, ар кандай мыйзам бузууларга жол бербөө жана адилеттүү билим берүү системасын камсыз кылуу үчүн атайын механизмдерди түзүү боюнча сунуштар берилди. Директор жана окутуучулар студенттердин коррупцияга каршы активдүү позициясын кубаттап, мындай жолугушууларды мындан ары да өткөрүп туруу керектигин белгилешти. Бул иш-чара студенттердин коррупцияга каршы күрөшүүгө болгон аң-сезимин жогорулатып, адилеттүү жана таза билим берүү системасын түзүүгө багытталган маанилүү кадам болду.