Программалык инженерия багыты боюнча 2-4-курстун студенттери практикалык отчетун тапшыруу конференциясын ийгиликтүү өткөрдү

2025-04-01 09:57:46 18

ОшМУнун Эл аралык билим берүү программаларынын жогорку мектебинде "Программалык инженерия" адистигинде окуган 2-4-курстун студенттеринин практикалык отчетун тапшыруу конференциясы болуп өттү. Иш-чаранын алкагында студенттер өз тажрыйбалары менен бөлүшүп, практикалык иш учурунда үйрөнгөн көндүмдөрүн жана жетишкендиктерин сунушташты. Конференцияга тажрыйбалуу адистер жана жумуш берүүчүлөр чакырылып, студенттердин ишине баа берип, кесиптик кеңештерин айтышты. Коноктордун катарында: Умаров Тилек – Робототехника жана Жасалма Интеллект Борборунун жетекчиси, Усманов Улук – ОшМУнун китепканасынын адиси, Мирлан уулу Калыбек – GTech IT компаниясынын өкүлү катышты. Жумуш берүүчүлөр студенттердин кесиптик даярдыгы жана практика учурунда аткарган иштери менен таанышып, келечектеги мүмкүнчүлүктөр жана эмгек рыногунда талап кылынган көндүмдөр тууралуу пайдалуу маалыматтар менен бөлүштү. Бул конференция студенттер үчүн теориялык билимди практикада колдонууга болгон аракеттерин көрсөтүүгө жана иш берүүчүлөр менен түз байланыш түзүүгө чоң мүмкүнчүлүк берди. Жыйынтыгында, конференция ийгиликтүү өтүп, студенттер менен IT-эксперттердин ортосунда жемиштүү пикир алышуу болду. Иш чаранын аягында жумуш берүүчүлөргө ЭАББПЖМби тарабынан ыраазычылык каттар тапшырылды. Бардык студенттерге жана уюштуруучуларга ыраазычылык билдиребиз!