- Отделения
- Отделение Российской и Евразийской интеграции
- Экспериментальная программа “Начальное образование. Английский язык”
- Общественно-воспитательная работа
Общественно-воспитательная работа
"Бирге күрөшөбүз! “СПИД кылым коркунучу ”
Бирге күрөшөбүз! “СПИД кылым коркунучу ” Ош Мамлекеттик Университетинин, Эл аралык билим берүү программаларынын жогорку мектебинин, Россия- Евразия интеграциялоо бөлүмүнүн, Башталгыч класс.Англис тили программасынын студенттерине 1-декабрь бүткүл дүйнөлүк СПИД ооруусуна каршы күрөшүү күнүнө карата "Бирге күрөшөбүз!“СПИД кылым коркунучу” аттуу тарбиялык-маалымат иш-чара өткөрүлдү. Иш чаранын алкагында студенттер өлкөбүздө ден-соолук, биримдик, туруктуулук, ишеним орун алса биз СПИДди жеңе алабыз деп, ВИЧ инфекциясы, өтө тездик менен жайылып бара жаткан кылымдын чумасы СПИД дарты тууралуу жана коркунучтуу илдеттин алдын алуу, ооруунун жугуу жана сактануу жолдору, сергек жашоо мүнөзү боюнча атайын маалыматтарды Ош облустук СПИДге каршы күрөшүү борборунун адиси чакырылып доклад окулду, студенттер менен суроо-жооптор уюштурулду. Студенттер арасында дубал сүрөт сынагы уюштурулду, мыктылар аныкталып символикалык белектер тапшырылды. Калоочу катышуучулардан СПИДге карата анализдер алынды.
ЭАББПЖМдин студенттери"Эко-Стартап" аттуу долбоорунун алкагында 8000 сомдук акчалай сертификаттарга ээ болушту
2022-жылдын 25-ноябрында Эл аралык билим берүү программарынын Жогорку мектебинин Россия-Евразия интеграциялоо бөлүмүнүн "Башталгыч билим берүү. Англис тили" адистигинин 1-2-курстарынын студенттери "Эко-Стартап" аттуу долбоорунун алкагында ар-бири 8000 сомдук акчалай сертификаттарга ээ болушту. Биздин кыздар өтүнмөлөрдү толтурушуп, мыкты натыйжаларды көрсөтүштү. Кезекте, жакынкы күндөрдүн арасында иш-чараларды ишке ашырышат.
"ЭАББПЖМда " Күзгү бал" өткөрүлдү"
2022-жылдын 23-ноябрында ЭАББПЖМда өткөрүлгөн, " Күзгү балда" Башталгыч билим берүү. Англис тили" адистигинен 1-курс, ВНО-1-22, ВНО-2-22 тайпаларынан А.Жуманазарова, А. Асылбек кызы катышып, байгелүү орундарды ээлешти. Биздин студенттер окууда гана эмес, маданий иш-чараларда да эң мыкты.
"Алтын күз. Хеллоуин" аттуу музыкалдык-чыгармачылык иш-чара
2022-жылдын 1-ноябрында Эл аралык билим берүү программаларынын жогорку мектебинин Россия-Евразия интеграциялоо бөлүмүнүн "Башталгыч билим берүү. Англис тили" адистигинин 1-2-курстарынын ортосунда "Halloween day, Алтын күз" аттуу музыкалдык иш-чара болуп өттү. Иш-чара жогорку деңгээлде уюштурулуп, калыстар тарабынан мыкты деп бааланды..
ЭАББПЖМнин студенттери "боорукердик" үйүндө болушту
ОшМУнун эл аралык билим берүү программаларынын жогорку мектебинин директору Дилмурат Турсунов баштаган жамаат, студенттер менен биргеликте Ош шаарындагы "Боорукердик" карылар жана балдар үйүндө болушту. Демилге көтөрүп барган студенттер окуу жайда уюштурулган “Боорукердик” акциясынын алкагында чогулган каражаттарга алынган күнүмдүк колдонулуучу жеке гигиеналык каражаттарды, шириндиктерди, жылуу байпактарды, китептерди тапшырып, маанай көтөргөн концерттик программа тартуулашты. Иш-чара студенттерди боорукердикке, кайрымдуулукка тарбиялоо, эмгекке үндөө максатында уюштурулган.
2022-2023 окуу жылынын башталышы менен 29-30-августта "Башталгыч билим берүү. Англис тили" программасынын 1-курстарынын студенттери адаптациялык жумада болушту.
2022-2023 окуу жылынын башталышы менен 29-30-августта, ЭАББПЖМнын Россия жана Евразия интеграциялоо бөлүмүнүн "Башталгыч билим берүү. Англис тили" программасынын 1-курстарынын студенттери адаптациялык жумада болушту. Тайпалык иштер, студенттик этика, имарат, окуу борборлору менен таанышуу экскурсиясы болуп өттү.
ЭАББПЖМнын Россия жана Увразия интеграциялоо бөлүмүнүн студенттеринин эл аралык долбоорлоруна активдүү катышуу!
7-10 апреля 2022, "ЖашСтан жана ЕшСтан" долбоорунун алкагында
Ош шаарында Кыргызстан менен Өзбекстандын жаштарынын ортосундагы тажрыйба алмашуу жана кызматташтыкты чыңдоо максатында Лидерлик Академиясы уюштурулуп, анда ОРЕИнин, Эл аралык жогорку мектебинин “Башталгыч билим берүу.Англис тили” жана “Математика жана информатика” билим берүү программаларынын студенттери билим алышты жана активдүү катышты. Бул иш-чаранын уюштуруучуларынын бири “Башталгыч билим берүү. Англис тили" прогпрамманын окутуучу Караева Нургүл Бейшенбековна.
Ачылыш аземге Ош шаарынын вице-мэри, ГАМСУМОнун өкүлдөрү, Ош шаарынын мэриясынын Жаштар иштери боюнча комитети, Жаштар иштери, дене тарбия жана спорт мамлекеттик агенттигинин, БӨУнун улуттук ассоциациясынын өкүлдөрү катышты. Өзбекстан Республикасынын, Өзбекстандын волонтерлор ассоциациясы, эки мамлекеттин жарандык коому, ошондой эле YoshSan жана JashStan долбоорлорунун жаш активисттери катышты.
“Лидерлик академия” үч күндүк тренингинин алкагында катышуучулар эки өлкөнүн жаштар саясатынын концепциясын, аялдардын ЛИДЕРЛИГИНИН маанилүүлүгүн талкуулашты.
"Студенты программы "Начальное образование.Английский язык" принли участие в субботнике. "
"Чыңгыз Айтматовдун 95 жылдыгына карата жарыяланган 3 айлыктын алкагына жана 12- декабрь - Улуттук адабият күнүнө карата иш-чрара откорүлдү"
Заманыбыздын залкары Чыңгыз Айтматовдун 95 жылдыгына карата жарыяланган 3 айлыктын алкагына жана 12- декабрь - Улуттук адабият күнүнө карата "Айтматов бизди өзгөрттү" аттуу иш-чара ЭАББПЖМнын, 2-курс ВНО(б)-1-22, 1-курс МКН(б)-1-23 тайпаларынын катышуусунда өткөрүлдү. Иш-чарада жазуучунун чыгармаларын англис, кыргыз тилдеринде ролдоштурулуп, обондуу ырлар, аягында викториналык суроолор менен жыйынтыкталды. Аталган иш-чара студенттерге адабий чыгармаларды окууга шык берип, Ч.Айтматовдун чыгармачылыгын даңктоого үндөдү.
"Казакстандагы ‘Кышкы мектепте’ туруктуу туризм боюнча лекция: ЭАББПЖМдин студенттери эл аралык сертификаттарга ээ болушту"
Эл аралык билим берүү программаларынын жогорку мектебинин улук окутуучусу Сапарбаева Айнура Казак Республикасынындагы Аль- Фараби улуттук университетинин Экономика жана Бизнес факультети тарабынан уюштурулган "Кышкы мектепте" англис тилинде "Sustainable Development Future and Challenges of Tourism in Central Asia countries" онлайн лекция окуду. ЭАББПЖМ 10 студенти да катышып, эл аралык сертификаттарга ээ болушту.